Tónlistarkonan Silja Rós og gítarleikarinn Magnús Dagsson munu bjóða gestum Petersen Svítunnar upp á huggulega stemningu á Menningarnótt með ljúfum djass tónum í bland við íslensk dægurlög og frumsamið efni.
Silja Rós útskrifaðist frá tónlistarskóla FÍH af jazzbraut og hefur síðan þá sótt mikinn innblástur til djasstónlistar í sinni eigin lagasmíð. Tónlist Silju Rósar má lýsa sem R&B pop tónlist með áhrifum frá jazz. Hún vinnur nú að sinni þriðju plötu sem er væntanleg seinna á árinu, styrkt af Hljóðritunarsjóði, Stef, Bylgjunni og Rás 2.
Magnús Dagsson lærði jazz gítar í tónlistarskóla FÍH og útskrifaðist frá Musician Institute með hæstu einkunn, einnig hlaut hann verðlaun fyrir lokaverkefnið sitt, plötuna "Afflicted" sem kom út árið 2018.