Hverfin okkar
Reykjavík er fjölmennasta bæjarfélag landsins með 139.875 íbúa árið 2023. Borginni er skipt í tíu hverfi – Árbæ, Breiðholt, Grafarholt-Úlfarsárdal, Grafarvog, Háaleiti-Bústaði, Hlíðar, Kjalarnes, Laugardal, Miðborg og Vesturbæ. Hverfin eru nokkuð ólík hvað varðar stærð, íbúafjölda og íbúðarsamsetningu og því áhugavert að bera þau saman.
Í hverju hverfi eru skilgreindar sérstakar borgargötur. Borgargötur eru lykilgötur innan hvers hverfis og við þær standa gjarnan verslunar- og þjónustukjarnar hverfisins. Borgargötur geta sömuleiðis verið mikilvæg tenging milli hverfa og hverfishluta.