Hádegisganga í Grasagarði Reykjavíkur á degi íslenskrar náttúru, 16. september kl. 12.

Á degi íslenskrar náttúru ætlum við að skoða hið nána samband milli smádýra og gróðurs þar sem hin óvæntustu atriði hafa áhrif, allt frá daglegum rútínum býflugna yfir í tungumál trjáa og tímaskyn skordýra.
Við skoðum hvernig smádýr og plöntur spila saman til að mynda undirstöður vistkerfisins, áhrif þessa sambands á okkur mannfólkið og hvernig við sjálf höfum áhrif á náttúruna.
Genginn verður hringur um Grasagarðinn undir leiðsögn Jóhannesar Bjarka Urbancic Tómassonar líffræðings. Og hver veit nema við hittum nokkur dýr á leiðinni.

Gangan hefst við aðalinngang Grasagarðsins kl. 12.
Þátttaka er ókeypis og öll velkomin!