Fjallað verður um hinseginleikann, hinsegin hugtök og samfélagið
Á Íslandi er fjöldi barna og ungmenna hinsegin og það skiptir máli að þau upplifi öryggi og vellíðan og séu laus undan fordómum. Hver er staða hinsegin barna? Hvernig getum við tryggt þeim hinseginvænna umhverfi, bæði heima og í skólanum? Og hvað þýða eiginlega pankynhneigð, stálp og öll þessi hinsegin hugtök?
Með spjallinu er vonast til að foreldrar, forsjárfólk og aðrir kynnist vel hinsegin málaflokknum og upplifi sig örugg í að ræða hinsegin málefni við börn og ungmenni, sem og taka á hinsegin fordómum.

Þórhildur Elínardóttir Magnúsdóttir, sérfræðingur í málefnum hinsegin fólks, fræðir okkur um hinsegin málefni með áherslu á börn og ungmenni.

Á viðburðinn eru öll velkomin, foreldrar, fjölskyldur, vinir hinsegin barna og ungmenna og þau sem hafa áhuga á að kynna sér betur málið.

Góður tími verður fyrir spurningar og umræður.