Las Hienas er 8 kvenna band sem spilar latín músík af allskonar gerðum. Þær spila rúmbu, salsa, kúmbíu, son, kalypsó, og svo mætti lengi telja. Á sviði skapa Las Hienas dúndrandi orku, smitandi gleði, og tryllta takta sem fá áheyrendur til að taka fjórfaldan snúning. Föstudagskvöldið 23. ágúst ætla þær að hita upp fyrir Menningarnótt með latín djamm sessjóni, þar sem gestum og gangandi gefst tækifæri á að hlusta, dansa, og jafnvel spila með sveiflandi rytmum latín ameríku að hætti Las Hienas!