Á þessu tveggja daga námskeiði lærir þú að gera fléttukörfu úr
melgresi og öðrum stráum. Aðferðin er stundum kennd við Burkina Faso
en körfur með svipuðum vefnaði hafa einnig fundist á Spáni og
Skotlandi. Við byrjum á því að æfa tæknina sem þarf til að gera
fjölbreytt úrval af körfum. Þátttakendur fá einnig fræðslu um nýtingu
á íslenskum efnivið til sköpunar, hvernig og hvenær er best að safna
efni og þurrka það. Í lokin gerir hver og einn körfu þar sem
sköpunargleðin fær að blómstra.

Kennari: Guðrún Pétursdóttir.
Dagsetningar: 24. og 25. ágúst frá kl 13–16.
Verð: 21.900 kr. Efniviður innifalinn.
Aðeins átta pláss í boði.