Þrenningarnótt - þrjár óperur á einum degi
24, ágúst 2024
Opið frá: 12.30 - 22.30
Aðgangseyrir Sjá á opinberri vefsíðu
Sviðslistahópurinn Óður, sem er Listhópur Reykjavíkur 2024, heldur gamanóperumaraþon í Þjóðleikhúskjallaranum. Óður hefur farið sem stormsveipur um óperulandslagið á Íslandi frá því 2021 og hafa gamanóperur þeirra, Ástardrykkurinn, Don Pasquale og Póst-Jón, trekkt að fólk úr öllum áttum, jafnt gallharða óperuunnendur sem og þau sem aldrei hafa séð óperu fyrr.
Í von um að áhorfendur skilji um hvað þau eru að syngja þýða þau óperurnar yfir á íslensku og flytja þær mun nær áhorfendum en mörgum þykir eðlilegt. Á þessum hátíðardegi menningar munu þau deila uppskeru síðustu 3 ára með þjóðinni og sýna allar þrjár sýningar sínar í fullri lengd sama daginn. Þetta er í fyrsta skipti á Íslandi sem óperuhópur ræðst í maraþonverkefni af þessu tagi, enda hefur hópurinn af mörgum verið kallaður óður.
Kynnir verður Níels Thibaud Girerd. Aðgangur ókeypis.