Hljóðfæraleikararnir Páll Palomares og Erna Vala Arnardóttir munu leiða áhorfendur í ferðalag um Evrópu og Bandaríkin á næstu stofutónleikum Gljúfrasteins, sunnudaginn 21. júlí. Þar verða rómantíkin og fegurðin í fyrirrúmi, í bland við virtúósitet. Á tónleikunum verða leikin verk eftir Sarasate, Fauré, Albeniz, Montgomery og fleiri.

Páll Palomares er einn fremsti fiðluleikari landsins. Hann er einn af leiðurum Sinfóníuhljómsveitar Íslands og hefur verið áberandi í tónlistarlífi landsins síðustu ár. Erna Vala er ein af mest spennandi píanóleikurum ungu kynslóðarinnar en hún hefur unnið til fjölda verðlauna hérlendis og erlendis og komið víða fram á Íslandi.

Tónleikarnir hefjast kl. 16 í stofunni á Gljúfrasteini. Aðgangseyrir er 3.500 kr. og miðasala fer fram í móttöku safnsins fyrir tónleika. Við bendum gestum á að næg bílastæði eru við Jónstótt. Sjá nánar hér:
https://www.gljufrasteinn.is/.../fyrir_gesti/bilastaedi