Víðáttur Laxness – Tríó Hjartar Jóhannssonar
14, júlí 2024
Opið frá: 16.00 - 16.30
Aðgangseyrir Sjá á opinberri vefsíðu
Sunnudaginn 14. júlí fer fram sannkölluð djassveisla í stofunni á Gljúfrasteini. Þá munu þeir Hjörtur Ingvi Jóhannsson, Andri Ólafsson og Magnús Tryggvason Eliassen leika frumsamda tónlist Hjartar sem innblásin er af þemum, stöðum og persónum í höfundarverki Halldórs Laxness. Auk þess verða á dagskránni nokkrar perlur sem samdar hafa verið við ljóð Laxness og við þekkjum svo vel.
Tónleikarnir hefjast kl. 16 í stofunni á Gljúfrasteini. Aðgangseyrir er 3.500 kr. og miðasala fer fram í móttöku safnsins fyrir tónleika. Við bendum gestum á að næg bílastæði eru við Jónstótt.