Sundballetthópurinn Eilífðin stendur fyrir sundballetttímum í Vesturbæjarlaug og Sundhöllinni í sumar.
Mynsturæfingar, samhæfing, klisjur, hlátur, frábær tónlist og gleði. Í þessum tíma rifjum við upp þvottavélina, lærum krókódílatæknina, síldartorfuna og sitthvað fleira. Tíminn er opinn öllum og ekki þarf að skrá sig sérstaklega.
Tíminn fer fram í boganum sem aðskilur djúpu laugina og barnalaugina, og verða þátttakendur að vera fullsyndir og ná til botns til að taka þátt. Sundballetthópurinn Eilífðin skaffar sundhettur fyrir þátttakendur. Tíminn hefst kl. 18 ofan í lauginni.
Þátttakendur greiða aðgangsgjald í laugina.
Verkefnið er hluti af Sumarborginni.