Magnús Jóhann og Óskar Guðjónsson flytja nýtt efni
28, júlí 2024
Opið frá: 16.00 - 16.30
Aðgangseyrir Sjá á opinberri vefsíðu
Píanóleikarinn Magnús Jóhann og saxófónleikarinn Óskar Guðjónsson leiða saman hesta sína á Gljúfrasteini þann 28. júlí nk. til þess að flytja glænýtt efni úr þeirra smiðju. Þeir hljóðrituðu nýverið hljómplötu með tónsmíðum þeirra beggja. Sú plata lítur dagsins ljós í september en þeir hlakka mikið til að flytja hluta efnisins á Gljúfrasteini. Þann 19. júlí sl. kom út fyrsta smáskífan af plötunni, Tilfinningatöffarinn, en lagið semur Magnús.
Tónleikarnir hefjast kl. 16 í stofunni á Gljúfrasteini. Aðgangseyrir er 3.500 kr. og miðasala fer fram í móttöku safnsins fyrir tónleika.