Hefur þú áhuga á glæpaskrifum?

Borgarbókasafnið efnir til ritsmiðju í glæpasagnaskrifum í tilefni af dagskránni Glæpafár á Íslandi. Rithöfundur, Yrsa Sigurðardóttir, kíkir í heimsókn í lok smiðjunnar, spjallar um eigin skrif og situr fyrir svörum jafnt nemenda sem annarra áhugasamra gesta.

Sunna Dís Másdóttir, rithöfundur og leiðbeinandi stýrir umræðum.

Viðburðurinn er hluti af dagskránni Glæpafár á Íslandi sem haldin er í samstarfi við Hið íslenska glæpafélag, sem fagnar 25 ára afmæli í ár.

Öll velkomin og aðgangur er ókeypis.

Sjá yfirlit yfir viðburði Borgarbókasafnsins sem heyra undir Glæpafár á Íslandi. https://borgarbokasafn.is/glaepafar-islandi

Verkefnið Glæpafár á Íslandi er styrkt af Bókasafnasjóði.