Garðaprjón býður öllum gestum og gangandi í nærandi prjónastundir undir berum himni.
Garðaprjón eru prjónastundir sem fara fram í görðum miðborgarinnar þar sem öllum sem hafa áhuga gefst tækifæri til að setjast niður og prjóna. Þannig skapast fallegar samverustundir með óvæntri samsetningu fólks á öllum aldri.

Kennsla í grunnprjóni og allur efniviður verður á staðnum hverju sinni og eftir sumarið verður til Mið-Garðaormurinn úr því sem þátttakendur hafa prjónað. Einnig er velkomið er að mæta með sitt eigið prjón/hekl/handavinnu og taka þátt í sundinni. Stundirnar eru tvær klukkustundir í senn og öllum opnar.