Í fyrsta sinn sameinast Lúðrasveit Reykjavíkur, Lúðrasveitin Svanurinn og Lúðrasveit Verkalýðsins í skrúðgöngu í höfuðborginni. Yfir hundrað lúðrablásarar marsera frá þremur stöðum; Ingólfstorgi, Austurvelli og Lækjartorgi, sameinast á Kolagötu og þramma í gegnum Reykjastræti yfir á Hörputorg. Harpa, Landsbankinn og Hafnartorg standa saman að sannkallaðri karnival stemningu á Hörputorgi og nærumhverfi í tilefni þess að torgið er nú loks tilbúið í sinni endanlegu mynd. Í framhaldi af skrúðgöngunni koma lúðrasveitirnar sér fyrir í glænýjum tröppunum og heyja sinn árlega lúðrasveitabardaga þar sem allt getur gerst!