Klambrar bistro er staðsett í einni af einstökustu byggingum íslenskrar byggingarlistar, Kjarvalsstöðum. Tengingin við náttúruna á Klambratúni og listsköpun Jóhannesar S. Kjarvals veitir okkur sterkan innblástur í eldhúsinu.

Klambrar bistro hefur þá sérstöðu að vera staðsett í miðju listasafni Jóhannesar S. Kjarvals, Kjarvalsstöðum. Heiti staðarins vísar til bæjarins Klambra, sem var staðsettur þar sem listasafnið stendur í dag. Bóndinn á Klömbrum nýtti meðal annars fjárhúsin til þess að slátra fyrir nágrannana og brátt var eftirspurnin eftir kjöti orðin svo mikil að opnuð var kjötverslun og síðar reykhús. Á bænum var því fullt hús matar og mikið líf og fjör. Það er því vel við hæfi að heiðra sögu bæjarins með því að reka veitingastað með skírskotun í nafn hans.