Saman látum við gott af okkur leiða Markmið Góða hirðisins er að endurnýta hluti til áframhaldandi lífs og draga úr sóun. Allur ágóði af sölu rennur til góðgerðarmála. Úthlutun styrkja fer fram einu sinni á ári. Það er einnig hefð fyrir því að halda uppboð til styrktar góðs málefnis í desember ár hvert. Um 250 milljónir króna hafa verið veittar í styrki frá 1996. Góði hirðirinn skapar fjöldan allan af störfum og hefur í gegnum árin átt gott samstarf við Vinnumálastofnun (Atvinna með stuðning), einnig við félög eins og Virk.