Bókasafn Garðabæjar er lifandi upplýsinga- og sköpunarsetur þar sem öll eru velkomin að koma og fræðast, miðla, hittast, dvelja og njóta góðra stunda. Fjölbreyttur safnkostur og reglulegir viðburðir eru í boði fyrir allan aldur. Meðal fastra viðburðarliða má til dæmis nefna sögu – og söngstund fyrir börn, leshringi, handavinnuklúbb, fróðleiksmola, bókaupplestra og foreldraspjall. Bókasafn Garðabæjar er sífellt að þróa starfsemi sína í takt við tímann og leggur sig fram við að fylgja þörfum gestanna sinna. Bókasafn Garðabæjar á einnig útibú við Eyvindarstaðaveg á Álftanesi. Á Álftanesi er opið mánudaga til fimmtudaga milli klukkan 14 og 18 og föstudaga frá 14 til 17.