Af nógu er að taka í höfuðborginni fyrir áhugafólk um listir og menningu. Í Reykjavík er að finna meira en 60 söfn, sýningarstaði og gallerí, auk tónleikastaða og leik- og bíóhúsa. Sköpunarkraftur bæði innlendra og erlendra listamanna er í hávegum hafður auk þess sem sögu lands og þjóðar er gert hátt undir höfði.

Reykjavík er umkringd náttúrufegurð og þar er hægt að iðka útivist bæði nær og fjær. Takið skrefið út af gangstéttinni og uppgötvið útivistarperlur innan borgarmarkanna. Í borginni er að finna garða, rjóður og tún, fjöll og fjörur.

Á undanförnum áratugum hefur kröftugur kvikmyndaiðnaður byggst upp á Íslandi. Nú stefnir Reykjavík að því að efla innlenda og erlenda kvikmyndagerð á Íslandi enn frekar, hvort sem lítur að kvikmyndagerð, framleiðslu eða viðburðastjórnun.

Reykjavík hefur um langt skeið verið þekkt fyrir blómlega tónlistarsenu en borgin hefur í gegn um árin verið gædd lífi af hæfileikaríkasta tónlistarfólki landsins sem og gestum erlendis frá.